Dicerek Tuur

Angin peuting ngagelebug na rohang dada, nyaliara ngahunyud kana angen, komo tuur mah meuni karasa euweuh tulangan, istuning ngalempréh dina nyanghareupan para pinisepuh nu ngariung hareupeun kuring, sumawonna hansip lembur oge aya. Pa RW

nyarios kalawan ajrih : “Cép, wengi ieu mah paheutkeun waé kumaha kahoyong encép ka néng Eius teh, wakca balaka ka ama, ulah éra-éra, tos lengkep wawakil ti keluarga aya Amih, oge abah Aja petugas pembantu pencatat nikah ti kantor désa, sok tong asa-asa”.

Hareupeun kuring néng Euis tungkul bari mun aya kesempatan maok nempo ngimeutan beungeut kuring nu beuki ngabodasan da getih téh asa turun kana suku ngabeungbeuratan rasa nu teu bisa lumpat tina sagala nu geus tumiba. “Kumaha ?” sora pa RW meupeuskeun lamunan kuring. Kuring unggeuk bari ngarérét kana jam tangan nu geus nunjukeun wanci janari.

Haté ratug tutunggulan, tuur loncér bangun euweuh tulangan, malah mah titingalieun téh rada kararonéng. Tapi neger-neger manéh nguatkeun diri pikeun nyanghareupan kanyataan nu geus aya hareupeun beungeut.

“kumaha?”, éta kecap ngahiuk kana mamarasna, eungap saharita. Teu kuat nandangan panyiksa batin.  Langsung nékad minuhan pipikiran, nempo jandéla beulah kénca muka, tuluy cengkat, lumpat satakerna, ngan hanjakal geuning saluareun jandéla teh balong héjo paranti mijahkeun lélé dumbo, antukna... gajlengg... gujubarrrr... less wéh poék.

...... panon gigisik, geus aya handapeun risbang. “akang kunaon?” sora jikan halimpu bari nempo kuring nu culang cileung kawas keur bingung. “ah teu nanaon geulis, mung ti koséwad margi tadi ngimpén galungan sareng kunti “, jawab téh bari seuri konéng inget deui yén kajadian tadi ngan saukur ngimpi.

Cag.

Takut Janji

Langkah kaki terseret menjauhi kerumunan manusia yang sedang bersukacita di malam purnama yang kedua, menuju arah pulang meraih kedamaian di gubug kehidupan yang sebenar-benarnya.Sepi menyeliputi diri meski sesekali jengkerik menemani dengan jeritannya serta kodok mengolok-olok lajunya pembangunan yang juga mengerbankan orang lain.

Di tikungan dekat kolam ikan yang terbentang menganga, terasa sesuatu menanti dengan tatapan tajam penuh dendam. Langkah semakin dipercepat sembari mengendalikan jantung yang berdetak semakin kencang dan tidak beraturan, sementara mata nanar menghadapi kenyataan yang jauh dari harapan.

Tapi takkdir berkehendak lain, sesuatu yang ditakuti telah menanti menjemput janji yang terucap meski tanpa hati nurani. Mengulurkan belalai kelicikannya menjilat punggung tanganku dan memperlihatkan seringai gigi gigi tajam yang siap merobek isi perutku dengan sekali serangan saja.

Terpaksa malam itu kubunuh malu ku dan kubayar cicilan utangku pada rentenir kesayanganku.

Gulanggaper

Seuneu amarah geus diumbar tanpa karana, sangu bodas nu suci geus teu bisa nyumputkeun kaparawananna,ngaihlaskeun diri pikeun gabung dina tempat nu teu pisan dipikahayang. Endog hayam kampung nu karek anjog ti pasisian dipaksa peupeus kalindih jaman, ceurik. 

Lisah urut ngaleueurkeun urusan alewoh ngolo uyah pikeun hanjat ti muara ngadon nyaba ka gunung kabiruyungan. Beungeut sepa nempo seahna seuneu amarah tandaning jangji kudu pasini di hiji waktu anu mustari, hiji tempat nu ngagabungkeun sarupaning kaperluan, mopohokeun kana hak asasi sewang-sewangan. 

Kabeh digulanggaper, nyeri jeung bingung pacampur uduh, ngarasakeun panasna amarah nu ngabebela ngahijikeun rupa rengkak paripolah jadi rukun ngahiji dina jirim nu geus nyari. 

“Cep, bade dikurupukan moal?”.. tukang sangu goreng nanya bari ngasongkeun piring nu ngebul pinuh kadeudeuh.

Nu Nelepon

Bulan sapasi diharudum mega bangun tiris ngabungbang rasa, kuring anteng ditepas imah dines sorangan, kapaksa piket bari panon ngumbara maturan pikir nu geus tiheula jung ngagupay kahayang ngumbar kasenangan.  

Kringgggg..... kringggg, sora telepon ti jero imah meuni gogorowokan hayang diangkat, biasana mah dunungan rek nitah abong nasib jadi punakawan. Tibuburanjat muru tengah imah, gasik telepon diangkat bari nyarita :”hallow..wilujeng wengi, aya nu tiasa dibantos?”.. tapi sora na telepon teh ngan : “hallow... hallow..jeung hallow

Kuring : “hallow?.. ditembal :”hallow “...leuleus.

Kuring : “hallow?.. ditembal : “hallow”..bari kadenge sora angin nyeredet kana hate.

Kuring : “hallow?..ditembal :”hallow....harrrrroowww” bari sorana teh jadi rada peura jeung lalaunan. Karasa punduk asa kandel, tapi teu kudu sieun ah. Paling ge nu jail gerentes teh, tuluy gagang telepon diteundeun na parantina.

Harrrow.. eta sora anu peura bangun nyeri kadenge keneh... gigireun.

#wilujengmalemjumaah.

Macet Pisan

Gambarna ti http://ridertua.com/2012/09/29/karakter-biker-dilihat-dari-domisili/

"Tuh nya ceuk abah ge, mun aya pulisi pasti jalan macet", ceuk saurang bapak tengah tuwuh ngajak ngobrol ka panumpang angkot digigireunna. Ngan ungguek wungkul penumpang gigireunna bari sibuk nyoo hape. Terus we si abah noroweco ngagogoreng pulisi kalawan teu patut hareupeun batur. Karunya pulisi da geus pagaweanana ngatur jalan jeung nertibkeun masyarakat tapi angger we disuudzonan, disalahkeun, gerentes penumpang gigireun.

Si abah noroweco deui nyalahkeun pulisi, penumpang nu deukeut panto kaganggu sigana mah, tuluy ngomong : "ku naon bah meuni ceuceub pisan ka pulisi teh?". si abah mencrong kosong kaluar jauh panineungan, simpe naraje hate tuluy nembalan bari daeuda :"anak abah ge pulisi, ngan geus poho kanu jadi kolot". Langit rambisak nalangsa.

Juara Lodong

Nempo awi gombong geus meunang ngaragaji jeung ngaliangan sakumaha ilaharna meriem kampung alias lodong, minyak tanah aya tilu desi dina kaleng susu urut oge karbit satengah kilo ngeclok heula di warung bi amah didukung ku posisi strategis dina gundukan taneuh luhureun balong nini odah rada kahieuman ku dapuran awi tali hejo carulang matak hate  jadi caang.


Sumanget opat lima boga lodong anyar rek perang patarik tarik sora jeung lodong bogana si agus kucrit jeung jang empud budag nu jegud tapi kabeukina jamedud, malahmah tadi peuting di pangajian kuring geus susumbar :”isuk mah tingalikeun, sora lodong aing pang tarikna sadunya”.

gambar ti http://puger-nyunda.blogspot.com/2011/09/bedil-lodong.html

Lodong rada ditonggengkeun nojo ka lembur sabeulah, minyak tanah geus asup kana gombong, tinggal karbit. Biasana mah sapotong leutik-leutik, tapi ayeuna mah hayang sora pangtarikna, eta karbit satengah kilo disakalikeun asup kana lodong campur jeung minyak tanah nu langsung ngagolak. Teu talangke deui nempo ramuan geus panas,langsung disundut make seuneu na tungtung rorak.... Blarrrrr...... nu karasa ku panon ngan aya cahaya ngaburinyay bodas campur beureum tuluy hideung, teu kadenge nanaon.

Panon beunta teh geuning keur ngangoler tengah imah diriung ku abah jeung pangeusi lembur legok hangseur bari naringalikeun bangun karunya. Abah ngadeukeutan bari mawa eunteung tuluy ngomong : “na ari sia sarjang teu kira-kira nyoo lodong kaleuleuwihi,salembur geunjleung sugan teh aya bom atom, untung teu paeh oge, tah tempo beungeut sia!!!!”, dina eunteung kaciri beungeut mehong jeung hinyay urut lisah tanah, bari biwir jebleh getihan jigana mah kapeupeuh ku lodong nu ancur paburantak.

#caritabaongkeurleutik

Rajet

Sumber gbr : http://www.rca-fm.com

Wanci janari kuring nepi ka imah balik tugas luar kota nguruskeun nagara.. ceunah. Uluk salam ngan formalitas da konci mah aya na leungeun. Bari lalaunan muka konci, tuluy asup ka imah tur lantip meuh nu sare teu kagareuwahkeun. 

Krikk..krikk..krikk sora jangkrik tandaning aya telepon asup, pas ditempo nomer dunungan, langsung diangkat, ari pek aya tugas penting keur poe isuk. Sabot anteng nelepon teu katingali pamajikan hudang kaluar kamar da meureun kagareuwahkeun tuluy nempokeun ditukangeun.
Jikan   :"akang.. Tiasa nambut hapena?",
Kuring : "mangga nenk", bari hape dibikeun. 

Teu antaparah belewer teh hape dialungkeun kana tembok, leos weh pamajikan ka kamar. Hape jeung hate rajet patulayah.

Menjaga Jiwa

http://tulisandila.wordpress.com

Semerbak wangi bunga setaman berpagut dengan melati suci menemani angin dini hari yang mengalun berirama menyusuri ribuan pusara yang terdiam di tengah keremangan. Derap langkah pasukan ditingkahi oleh langkah kaki kesendirian yang bergegas menapak tanjakan batu dalam kekhusukan. Tidak lupa memberikan tanda hormat seiring raga memasuki wilayah peristirahatan terakhir sang pahlawan kusuma bangsa.

Seiring waktu berjalan yang memeluk tengah malam yang cerah nan sendu ini, lampu penerangan pun dimatikan serta terompet penghormatan melengking memecah kesunyian membelah langit tuk membuka dan melancarkan doa yang terpanjat serta nuansa perenungan bagi raga kehidupan dalam barisan kesunyian nan panjang dan beraneka kepentingan.

Penghormatan telah dikumandangkan, hening ciptapun mengalun menyusuri selisik malam dan menyesaki lorong waktu kemegahan melenggang dalam hamparan jiwa kepahlawanan heroisme dan cinta tanah air di bumi cikutra yang terpaku menjadi saksi bisu dan menjadi garda terakhir tempat bersemayam jiwa yang tenang, para pahlawan kusuma bangsa.

Langkah berat terasa menggelayut dikala kaki melangkah meninggalkan semua pengorbanan mereka, karena semangat jiwa kepahlawanan sekarang menjadi tanggungjawab kita untuk diwujudkan dalam kehidupan senyatanya dalam desah nafas pengabdian dan sorotan mata kepedulian serta uluran tangan keihklasan dalam membantu sesama anak bangsa serta menuai bijih kebajikan dimanapun dan kapanpun demi tegaknya kehormatan bangsa dan Negara di masa yang akan datang.

(TMP Cikutra, 10 Nopember 2012 Pukul 00.07 wib)

Numpak Kapal Udara...

http://wakakapedia.com/gambar-lucu-numpang-pesawat

Jelema tingpolohok silih pelong jeung anu gigireunna bari can tangtu wawuh, tina tarang sewang sewangan ting curulung kesang badag tandaning hareudang anu mokaha. Sora harengheng jelema nu aya di jero rohangan beuki mahabu. Kuring ge teu weleh leungeun pakupis nyusutan kesang make tonggong leungeun nu geus bau kesang pacampur jeung kesang batur.

Tapi eta si teteh petugas teh meuni pede pisan, pas aya penumpang ibu-ibu bayuhyuh naroskeun kunaon hareudang, eh diwaler teu kireum-kireum : 'teu nanaon bu, ieu mah biasa' padahal manehna ge ngucur kesang malahmah shedow jeung lipstik geus rada ruksak ke tarik pas keur nyusut kesang.

Gogodeg weh bari ngabatin, geuning numpak kapal udara teh teu tebih jeung numpak beus ka garutkeun anu teu make AC ti terminal cicaheum. Ngan kurangna teu acan muncul tukang dagang asongan...

Tapi rada kaharti oge sanggeus maca slogan ieu kapal udara nyaeta : (urang ngajadikeun jelema ngarapung di awang-awang)... Pantesan we keukeuh ngapung, keun wae Ase teu hurung mah dan engke ge di luhur bakal tiis meureun.. 

Untung weh salamet nepika anu dituju.