RUPS oh RUPS

wwwbibitternakdotcom

Pagi menjelang di jum’at ceria, berjalan mengelilingi lapangan gasibu yang membiru. Disambut hangatnya mentari pagi dan bejubel manusia berputar mengelilingi lingkaran kehidupan atau bergegas meminggirkan diri untuk duduk dan meluruskan kaki sambil menghirup nafas panjang yang melegakan. Disisi  yang berbeda bersandar berpuluh sepeda, setia menanti sang tuan yang bercengkerama dengan gerak badan penuh gelora.

Sesaat melepas penat dan menghilangkan pegal, bertemu dengan seorang rekan dan langsung nyoroscos bertanya tentang RUPS, “Ajarin atuh saya tentang RUPS kang”, rengekan memohon setengah manja membuat buyar konsentrasi olahraga. Tapi demi rasa setia kawan dan sejumput iba dijawab dengan santai, “Baca aja undang-undang nomor 40 Tahun 2007 tentang Perseroan Terbatas”, jawabku singkat sambil ngloyor menuju track lari berwarna biru yang terus memanggil untuk habiskan 3 putaran lagi.

 Tetapi takdir berkata lain, sang kawan tak mau diam, mengejar dengan tergesa dan setengah berteriak, “Wooy bantu dong, baca Undang-Undang mah lama, pleasee.. pleasee..” dirikupun terpaksa melambatkan langkah dan menepi, menengok ke belakang dengan rasa semakin iba. “Hayu atuh kadieu” ajak diriku sambil berteduh dibawah perpustakaan lapangan gasibu. 

Terlihat rona senang diwajahnya. Setelah duduk berhadap-hadapan, aku bisikan satu kalimat sakti, “Uing oge diajar keneh, can paham pisann (saya juga masih belajar, belum memahami secara utuh)”.

Maka ‘Plakkk!!!!......  Sebuah pukulan kesal mengenai punggungku. Kami berdua tertawa berderai. “Oke.. oke, saya akan segera jelaskan” sahutku sambil mengelap keringat sisa berolahraga mengelilingi lapangan gasibu.

sebagai awal pembuka, untuk lengkapnya klik saja Menghitung Kata RUPS.

Ngalaan beubeur

ngopi ti wwwaliexprescom

“Laan beubeurna!!”, Opas bandara nitah.

“Ieu mah beubeurna palastik pa”, Ki Omod ngawaler lemes.

“La..ann!! rék ngalawan anjeun téh?, Opas beuki jamotrot.

Teu loba baha sanajan haté teu narima, Ki Omod ngudaran beubeur. Maju deui kana panto pamariksaan bandara. “Tééét...téét” alarm disada deui, leungeun duanana diangkat deui, dipariksa. Keukeuh eueweuh nanaon. “Kudu balik deui?”, Ki Omod naros. “Teu kudu!”, Opas ngajawab teugeug.

Ki Omod muru kana tas jeung wadah nu eusina hapé, arloji jeung beubeur nu geus lulus liwat pamariksaan X-ray. “Di Bandara Kansai Jepang jeung Changi mah teu nanaon maké beubeur palastik téh, naha di lembur sorangan mah meuni teungteuingeun”.

Saencanna asup kapal udara, Ki Omod hayang kahampangan. Gura-giru muru toilét, kabeneran beulah juru aya nu lowong. Karék gé rék cer, katempo gigireun, opas nu tadi. Panasaran ditingali ku juru panon, geuning keur cumalimba bari nempo poto beubeur dina layar hapé. Katoong geuning, manehna di beubeur maké tali rapia.

Geura nyingkah

tina majalahouchdotcom

“Rék ngagugu kumaha, da geuning kitu peta. Sanggeuk nempona ogé”, gerentes curuk bari muih ngadon ngaliang na congo irung. Jempol anteng nguyek nyoo kahayang, teu nolih nu mibanda rasa. Jajangkung nu ilaharna boga wiwaha kalah pabeulit jeung katugenah, ngusapan jeung mencétan nu lain cabakeunnana. Kitu ogé cingir ngabetem ngabaturan jariji nu kaeurad pageuhna sumpah lélépén. Antukna tong boro hayang ngeupeul, dalah keur ngitung ramo gé patingkoléséd haroréam.

Tapi geuning geus cunduk waktu nincak mangsa mah, jempol tobat sanggeus bejad kacepét rénten, ulag ileug nyingkahan riba bari awak geus teu walakaya. Curuk ukur bisa tutunjuk tapi teu bisa méré bongbolongan. Jariji kapaksa ngalésotkeun jangji pasini, ngudaran rasa satia pikeun bisa mulang tarima. Jajangkung meupeuskeun céngcéléngan, cingir ngiluan ngagadékeun kahariwang. Sarua kabéh boga paniatan keur ngabantuan babaturan.

“Cukup sakieu keur mayar sakabéh hutang sia mpol?” , opatan réang macoco. Jempol tungkul bari nginghak cimata getih.