Jajantung ratug meueusan bari leungeun kenca tipepereket nyekelan gagang panto kanyataan. Sumeblak rasa ngagulawing dina ati dibarung ku nyemprung sora lalangse nu geten ngarawat waktu nyuuh dina bangbaluh ngajeten ngadon pabeulit bari teu weleh imut ngarudetkeun.
Eta mah mimitina, dalah ari ditarekahan bari niat bebeneran mah teu nyalahan enggoning meupeuskeun kahayang ngajaul kana papasten oge ngulik nasib bari teu petot munajat kanu kawasa ameh dibere elmu pangaweruh jajaten nguatan awak, diantarana
elmu ngaleungit tina kanyataan, elmu ngapung ngawang-ngawang, elmu nerus bumi jeung elmu napak sancang.
Ayeuna rasa geus beda, tasyakur binnikmah jadi utama. Lalangse geus nyinglar katugenah oge ingkah, suudzon teu bisa ngendon, buruk sangka geus teu aya dikieuna. Hayu urang nincak rawayan kahirupan kalawan antare bari teu poho milih gantar anu panjang keur ngajul pangharepan.
Cag... Kawali pinanggih jangji
Tidak ada komentar:
Posting Komentar