Sieun....

http://slight-hope.blogspot.com

Mangmang hamham jeung hoream keur dalit dina jiwa mangaruhan raga nu teu wasa ngabandang carita bari ngabandungan paripolah nu ngarasa geus sawawa. Langit peuting mencrong bari tutunjuk nyalahkeun pedah bet nurut jeung kahayang dina mangsa ditanya bari teu wasa, ditalek teu make kelek istuning ajrih ngagugah rasa ngabungbang katugenah.


Baham sepa beakeun rupa, panon bolotot ukur ngongkolak, teu puguh ucap teu oyag raga istuning nurut rut tampa karana, tuur leuleus bitis ngabulaeh tulang suku ngadadak laer. Ngan mencrong we bari kumetap.. Nempo mahluk ciptaan gusti nu geulis ka wanti wanti, urung bangir, awak sampayeun jaga, pinareup nyeungseung, parabot calik meuni demplon, jangkung denok. Eta lambey meuni euceuy, beureum asli ih lain bobohongan, pipi semu beureum, soca cureuleuk. Ditempo ti hareup sieup, ti tukang lenjang, tiluhur jadi tagiwur komo tihandap matak ngarenghap. 

Sieuuun gusti.. Sieuuun... 

Sieun Nyaah. 

Cag.