 |
| www.tekananwan.blogspot.com |
Rénghap ranjug bari ngahégak, kaos jibrug solémpak baseuh sabab késang ngagarajag hasil tina lulumpatan dualas kuriling di lapang bola deukeut imah. Lain imah uing tapi imah Ua, uing ngilu salila sakola di SMK, nitipkeun diri keur manjangkeun silaturahmi oge irit teu kudu mayar kos, cukup ku manggul béas jeung angkaribung cau, opak, kolontong jeug ranginang sabulan sakali ditatanggung ti lembur singkur.
Asup ka jero imah karasa tiis merenah kana awak, muru ka dapur hayang nginum hanaang kacida. Ngaliwat tengah imah ningali Aqua botol saliter dina meja, teu antaparah deui, sabet, buka tutupna, lek lek lek lek..... Béak saharita, hanaang ilang seger sapuratina. Tukangeun, Ua molotot tuluy kapiuhan, nempo cai doa meunang ngaji tilu poé tilu peuting kari botolna
Tidak ada komentar:
Posting Komentar