Nepangan salira

Hareugeueun nampi wartos wiréhna salira teu aya. Padahal tos  ngorbankeun sagala rupa. Panjurung kalbu paréntah rasa teu meunang tamaha kana wiwaha. Pikeun unggah gunung meuntasan sagara. Leumpang nguntuy mulan malén, teu nolih kana sagala rupa warna nu aya. Istuning tuhu kana papagah Apa, pikeun nepangan salira.

Nu nawisan linggih tos aya belasannana. Nu ngolo ku jabatan ogé rabeng bari duka aya naon di pengkerna. Pon kitu deui ku banda sareng parawan désa, dugika nyeri beuheung da gigideug teu aya eureunna. Ku cara sopan teu tiasa aya ogé nu nyobi ngabegal tur ngagunasika, alhamdulillah jurus ‘saépi angin’ jeung ‘halimunan’ bisa nyalametkeun kaula. Teu hilap manteng du’a ka Mantenna.

Ayeuna, awak leuleus haté lungsé. Sabab sagala ihtiar téh ukur ditampi ku lawang kosong. Da salira teu aya. Teu lila haté ngadadak panas, nyel ambek nu taya papadana. Hayang ngancurkeun nu aya. Sajorélat kakuping deui papagah Apa, “Élmu sabar nu sesah naékannana.”

PNS bahagia

“Hebat dia, sudah kerja mantep sebagai pns, jabatan eselon juga dapet nyambi juga jadi dosen di perguruan tinggi swasta ternama. Atau pak Z selain sebagai pns juga memiliki beberapa usaha yang menjanjikan, pasti berlimpah tuh penghasilan”, Begitulah suara hati pagi ini, sementara berkaca pada diri hanya seorang pns, titik. Lamunan berlanjut dengan mengira-ngira penghasilan rekan-rekan pns lain atau malah staf baru yang baru beberapa tahun diangkat pns sekarang begitu sukses dalam karier dan kehidupan pribadinya. Ada cengkeraman rasa minder menelikung dalam sanubari, “Ah sayah mah jalani aja seperti ini...” sambil tertunduk sedih.

Belum lagi kalau melihat, rekan pns lain yang terlihat begitu ceria dan bahagia. Ke kantor dengan mobil keluaran baru, smartphone yang kinclong dan rumahnya yang megah. Betapa penyakit sirik dan dengki itu begitu mudah tumbuh dan diawali dengan suudzon. Padahal mungkin saja itu bisa dimiliki karena memang sudah kaya sebelumnya, atau mendapatkan warisan atau bisa juga pinjam uang ke bank dan pintar mengatur strategi untuk memanfaatkannya termasuk memiliki usaha yang memang menguntungkan. Tapi bisa juga memang maksain supaya keliatan punya. Masalahnya adalah kenapa kita mikirin kekayaan orang lain?.....

Sementara dibelahan waktu yang berbeda, berjuta orang mendamba menjadi seorang pegawai negeri sipil atau aparatur sipil negara (ASN) sekarang. Berjuang dengan bersungguh hati dan tidak sedikit yang terjebak iming-iming oknum dengan alibi mempermudah proses menjadi pns yang berujung hanyalah sebuah modus penipuan yang memanfaatkaan keinginan seseorang untuk merebut satu posisi masuk pns. Termasuk tidak sedikit yang sudah bekerja di sektor swastapun masih mengadu peruntungan untuk mencoba ikut testing jika ada lowongan menjadi pegawai di pemerintahan.

Cara yang terbaik adalah bersyukur dan bersyukur..... dengan apa yang sudah kita dapatkan yang hakikatnya hanya dititipkan sementara oleh Allah Subhanahu Wataala. Jika memang kita sulit untuk lulus tes masuk pns, mungkin memang bukan takdir kita disana. Ada jalan lain ada usaha lain yang menunggu kita untuk bergerak tekun dan bekerja keras, disana ada rejeki berlimpah yang menanti kita. Begitupun jika sudah menjadi pns tetapi kok liat yang lain lebih sukses, segera beristigfar karena menjadi pns itu penuh perjuangan. Sekarang belajar bersyukur, belajar memaknai tugas fungsi sebagai pns. Karena belum tentu apa yang kita lihat dari kehidupan pns lain yang kita anggap sukses adalah benar-benar sukses.

Kita jalani pekerjaan dengan ikhlas dan jadikan niat serta action bahwa apa yang kita kerjakan dalam kepe-en-esan ini adalah bagian dari ibadah kita kepada Sang Maha Pencipta. Dengan bersyukur kita akan bahagia.... cobian geura.

Gdb-dpn22-250616

Hampura Nyai

Felis Bengalensis (Latin)

Gégéroh bari cingogo pipireun imah karék dimimitian. Ma’lum imah ngan sacangkéwok, jadi tampian aya di luar. Curuk ngadoléwak sabun colék, lebu ngagabung supaya seuseut. Kareungeu dina suhunan sora léngkah ngadeukeutan, antaré tur lalaunan. Haté ngadadak ratug tutunggulan, “Ah paling gé beurit” gerentes téh bari anteng mencrong kana ringkok kumbahaneun. Gigireunna aya baskom leutik eusi cai, kaciri ngagurilap kapentrang kingkilaban nu muka panineungan. Sajorélat beungeut anjeun aya hareupeun, dina cai baskom, dina ringkok jeung nu pasti mah dina jero haté nu pangjero-jerona.

“Astagfirullohal Adzim!!!”, Uing gigideug ngencarkeun lamunan nu mimiti ningker pipikiran ngaganggu rasa jeung jiwa. Miceun harepan bagja nu ngan ukur pupulasan. Teu loba carita leungeun rikat mersihan sagala rupa sangkan gancang ninggalkeun tampian.

Léngkah dina suhunan karasa ngadeukeutan, teu lila jempling. Tapi jempling nu matak muringkak bulu pingping, sabab gigireun kaciri ku juru panon aya nu nagog bari mencrong moncorong. “Hampura nyai nya kang”, Nu nagog carinakdak bari ngagaur.  

Ulah Kecing

nyandak ti : Duddydotwebdotid

“Sok atuh balaka wé ka dunungan ti batan cilaka ka hareupna!”

“Can kumpul kawani euy, sieun si Obos ngadat”

“Laah teu kudu di dramatisir, kudu boga prinsip mun urang yakin dina jalan bebeneran”

“Aing gé keuheul ngan keur nimbang-nimbang hadé goréngna lur”

“Ah sia mah kecing, loba teuing mikir!!!”

Mahmud garo garo teu ateul, panas kulit beungeut jeung daun ceulina ngadéngé Jang Sarmud kitu teh. Lain teu wani ieu ogé, tapi pan nu disanghareupan téh dunungan. Nu tangtu kudu lantip tur ati-ati.

“Tuh nya ngadon ngahuleng” Jang Sarmud mairan deui.  “Gandéng lur, geus jempé. Anggur du’akeun sugan aya jalan komo meuntas.” Mahmud nyabar nyabarkeun manéh padahal geus hayang ngababét babaturanna nu riweuh waé.

Isukna Jang Sarmud rawah riwih, “Mahmuuud aing boga dosa naon?  Naha bet di pindahkeun jadi ngajar di tempat nu jauh timana mendi, teu adil dunungan téh!!”

Mahmud tungkul bari nyekel SK anyar, diistrénan jadi Kasi ngaganti dununganna.

Ngawangkong

source : thehattainstitutedotcom

Di golodog masigit swallow jeung babaturnna ngawangkong, “Cekéng gé bulan puasa mah jadi remen urang papanggih di dieu” Selop kulit unggeuk bari nyéréngéh, “Bulan kamari mah urang panggihna di toko tuak nya ang heu heu heu.” Keur anteng ngawangkong datang tarumpah, “Hallow ki sobat, calageur yeuh?” “Damang gan, kumaha sawalerna?” Duana ngajawab babarengan.

“Nya kitu wé kukurilingan ngabagi pangaweruh, geus nyaho can yén bulan puasa téh aya tilu tujuan?”

“Acan gan!!”

“ Nu kahiji néang ampunan, nu kadua hayang jadi jelema takwa jeung nu katilu améh bisa panggih jeung Gusti Allah di ahérat engké mun geus maot dina kaayaan bagja.”

“Anyiiir agan meuni jero kitu tah kana bagbagan puasa, hédéd lah” Swallow némpas, selop kulit ukur imut.

Nu keur guntreng langsung jempé, ngarapihkeun posisi séwang-séwangan sabab tarawéhan geus  lekasan. Selop kulit dipaké ku pa ustad, swallow mah ku Ulis. Tingal tarumpah ngahuleng, “Jigana bener uing mah geus dilapurkeun”.

Lampah Hadé

source :wwwdotwinesiadotcom

“Dina sasih romadhon mah sagala ucap lampah nu hadé téh meunang pahala mangtikel-tikel, komo deui ibadah mah, hayu urang paréa-réa nyieun kahadéan”  Ustad Romli mungkas kuliah subuh dina poé munggaran romadhon. Uing ngaregepkeun jeung diniatkeun nyieun kahadéan poé ieu. Kabeneran sakola mah peré saminggu, atuh resep wé ulin ka pasir ngadon langlayangan. Bada lohor tuluy ka imah nini, rék ngilu solat saacan balik ka imah kolot.

Anjog ka golodok imah nini, ngahaja ngulincer liwat tukang da biasana panto tukang tara di tulak. Deukeut kandang hayam kaciri aya kelenci kameumeut nini, awakna montok ngan hanjakal huntuna téh rada coklat. Jorojoy inget caritaan ustad tadi bada subuh. Teu loba carita, asup ka jamban nini, nyokot sikat huntu jeung odol. Tuluy kelenci nini di tewak da lindeuk, huntuna di kosok méh jadi bodas, “Sugan jadi pahala yeuh” Kelenci ugal ugil, ku Uing dicekel pageuh.

Isukna Ma Nini gujrud, kelencina paéh, ngabudah. 

Manajemen Resiko Kredit (1)

Manajemen Resiko Kredit (1)

Definisi Kredit berdasarkan Undang-Undang Nomor 10 Tahun 1998 tentang Perbankan adalah :

Penyediaan uang atau tagihan yang dapat dipersamakan dengan itu, berdasrakan persetujuan atau  kesepakatan pinjam-meminjam antara bank dengan pihak lain yang mewajibkan pihak peminjam untuk melunasi utangnya setelah jangka waktu tertentu dengan pemberian bunga.

Untuk prinsip syariah tinggal ditambahkan berdasarkan prinsip bagi hasil.

Sumber : transkartunblogspotdotcom

Masalah kunci dalam manajemen resiko kredit adalah :

Pertama, masalah informasi. Banyak informasi yang tidak informatif sehingga mempengaruhi kualitas keputusan dalam memberikan kredit yang akhirnya akan menimbulkan kredit bermasalah. Mengapa informasi awal begitu penting? Karena harus diyakini tentang informasi ASIMETRIS, artinya yang tahu tentang diri pribadi, usaha, kemampuan dan niat baik dari calon debitur adalah debitur itu sendiri sehingga bisa saja tersembunyi sifat moral hazard (perilaku tercela) dari pihak peminjam/debitur.

Kedua, masalah insentif.  Harus dibedakan antara debitur yang membayar angsuran tepat waktu dengan debitur yang tidak teratur membayar angsuran atau masuk kolektibilitas kurang lancar, diragukan dan macet.

Ketiga, masalah pemantauan. Pemantauan atau monitoring dilakukan sesaat setelah kredit tersebut cair dan diterima debitur, bukan pada saat ada potensi masalah. Jadi monitoring harus dilakukan sejak dini

Paturih-turih

tina manfaatjahemerahdotcom

Jahe beureum jeung jeruk nipis pasanggrok di sisi walungan. “Kang Jabeur, sia boga élmu ngahaneutan jeung nyegerkeun awak lin?” Néng Jéni nanya bari ngarandeg. “Heueuh dibéré baheula ku luluhur uing jampé pamaké, tapi ulah salah. Bakal leuwih bedas mun anjeun gabung” Néng Jéni  imut rada gumeulis.

“Cik urang cobaan néng!” Jang Jabeur turun kana sisi walungan, nyieun babalongan leutik. Sérését maké kuku nurih dada. Kaluar lambaran cai beureum ngora.  Néng Jéni embung éléh, nyingsatkeun erokna, pingpingna diturih ku régang seukeut, ngucur ngagabung kana balong leutik. Jang Jabeur teu poho kunyam kunyem mapatkeun jangjawokan bari peureum beunta. Balong leutik dibedahkeun sina gabung kana cai walungan, ngamalir muru ka girang nu loba padumukan.

 Béja patatalépa,  mimiti ti budak angon yén cai walungan jadi seger haneut haseum, ngeunah kana awak. Dadak sakala di padumukan jadi haneuteun.  Nu katarajang salésma, batuk, carangkeul calageur. Jang Jabeur jeung Neng Jeni ogé bagja dina acara jatukrami.

Diajar Milih

Ti ramatloka radiotamhiddotcom

Awak rancucut ku késang nu ngagarajag, beungeut karasa ngahéab. Kaos jero jeung kaméja bodas geus badis pangepél baseuh, kari meureut meunang sajolang tah késang téh. Padahal rohangan maké AC nepika 16 darajat, tapi angger wé késang ngadon balap pating curulung tina sela-sela rambut muru kana gado. Aya ogé nu ngetém heula dina tungtung daun ceuli, ngajleng kana taktak bari sura-seuri.

“Sok geura putuskeun Jang Usrip, éta dua pilihan ti bapa. Ditungguan ayeuna pisan!!!” Nongtoréng kénéh sora bedas dunungan ageung sanggeus nampa sahunyud kertas laporan pamariksaan nu di kerjakeun ku Jang Usrip dua minggu katukang. Reunghap diajaran rada lalaunan, sugan wé ngurangan bangbaluh tur ngeureunkeun kesang.

Si kesang nu dina tarang nanya, “Naon kitu pilihanna lur?” Jang Usrip ngagerenyem, “Teu pira euy antara pupus deui ieu laporan atawa ngaran uing nu dipupus tina daptar pagawé di dieu.” Si kesang hareugeueun ngilu bingung. Sakabéh késang dina awak tarungkul, ngusap cimata.

Peuting

Tina ramatloka : id.anawallsdotcom

Nyangsaya kana taktak peuting, karasa tingtrim sanajan poék mongkléng buta rajin. Sagala bangbaluh ngoléséd ngajauhan, tonggong longsong haté antaré. Renghapna rasa silih udag jeung simpéna peuting.  Mimiti pacantél ramo patali kahayang. Teu kaampeuh sakabéh gegedoh rusiah ngagolontor maseuhan manglambar-lambar sajadah meunang ngarurud ti masjid jami tukangeun imah.

Peuting imut kanjut sanggeus wareg ngadéngékeun uing nu teu eureun ngocoblak. Teurabna peuting eusina gosip jeung sindir sampir nu matak geunjleung sanagara. Sanggeus rada ngareunah kana awak, Uing maksakeun cengkat. Sakedapeun ngahunted, nempokeun rombongan siraru nu ngagotong ratu sangkan ingkah tina kamunafikan.

Teu loba carita, peuting langsung ditalék naha rék enyaan atawa ukur pupulasan? Hanjakal ngajawabna geuning maké haté kadua leutik, sanajan camperenik tapi geuning pinuh ku intrik. Pipikiran baluweng teu sanggup ngarencana nanaon. Aya kereteg hayang ngadu’a, tapi leungit niatna. Peuting mimiti harénghéng, sanajan taktak mah keukeuh dipuntangan tipepereket.

Uing terus bacéo, nepi ka peuting laput ku kahayang. Hayang leupas ti Uing.